Thursday, 30 January 2014

உறுத்தல்



சுதந்திரமில்லா நாட்டில்
சுதந்திரமாய் சுற்றி வந்து
சுதந்திரம் வாங்கித்தந்தவரை
சுட்டெறிந்த நாம்
உறுத்தலற்ற விடுமுறையோடு 
கொண்டாடித் திரிகிறோம்
அவரையும்
அவரின் பிறந்தநாளையும்!


Monday, 13 January 2014

மெளன அஞ்சலி - 2

இறந்தவனின் நினைவுகளை
நொடிகளே தீர்மானிக்கின்றன
இரங்கல் கூட்டங்களில்.
----------------------------------
மீட்டெடுக்கப்பட்ட நினைவுகளால்
அறைக்குள் வந்தவனின் மயான குழியை
மீண்டும் மேவிக் கொண்டிருந்தது.
வட்டிக்கு ஆசைப்பட்டு
அசலைத் தொலைத்தவனின் நினைவுகள்.

Wednesday, 8 January 2014

உடைந்து போன பாசாங்கு



கை குவித்துப் பிரிய
தேர்ந்தெடுத்த தினத்தில்
வார்த்தைக் கறைகளை வீசி
கம்பீரம் காட்டி நின்றாய்

அந்த கணத்தில்
பொய்த்துப் போனது

அவரவர் நியாயங்களோடு
உடன்பட்டு பிரிவதாய்
ஊருக்கு காட்டிக் கொண்ட
நம் பாசாங்கு தனம்.