வெளிநாட்டு தொழில் முதலீடுகளைப் பெற முதல்வரின் வெளிநாட்டுப் பயணத்தால் பயன் உண்டா? அல்லது இது வீண் முயற்சியா?
உள்ளூரில் நசிந்து கிடக்கும் தொழில்களை மேம்படுத்தாமல் அந்நிய முதலீடுகளைக் கொண்டு வந்து என்ன செய்ய? ”கூரை ஏறி கோழி பிடிக்க முடியாதவன் வானம் ஏறி வைகுண்டம் போறேன்” என்றானாம்.
மோடியின் தமிழக வருகையால் தமிழக அரசியலிலும், பாஜகவிலும் மாற்றம் ஏற்பட வாய்ப்புள்ளதா?
தேசியத் தலைவர்கள் வரும் போது அந்தக் கட்சித் தொண்டர்கள் புத்துணர்ச்சி அடைவார்கள். அவர்களின் அந்த நேர உத்வேகச் செயல்பாடு மாநிலக் கட்சித் தலைவர்களை கொஞ்சம் கவனிக்க வைக்கும். ஆனால் அதுவே கூட்டணியையோ, அல்லது ஆட்சி மாற்றத்தையோ தீர்மானிக்கும் சக்தியாக அமைந்து விடாது. பா.ஜ.க. கட்சித் தொண்டர்களின் செயல்பாடுகளில் இன்னும் கூடுதல் முனைப்பு வேண்டுமானால் இருக்கும். ஆனால் அது ஆட்சி மாற்றத்திற்கான அச்சாணியாகாது.
