மகன் எனும் தோழன் தந்த பரிசு !

டிராயிங் வரைஞ்சு ரொம்ப நாள் ஆச்சே. ஏதும் ஐடியா இல்லையாடா? என மகனிடம் கேட்டேன்.

இப்போதைக்கு வேறு ஒரு முக்கியமான வேலையில் இருக்கான். அது முடியுற வரைக்கும் அவனை விட்ருங்க டாடி என்றாள் மகள்.

அப்படி என்ன முக்கியமான வேலை?

இந்த மாதக் கடைசியில் அது தெரியும். அதுவரைக்கும் சர்ப்ரைஸ்ஸா இருக்கட்டுமே என்றான் மகன்.

காலையில் எழுந்ததும் மனைவி, மகள் சூழ இந்த ஓவியத்தைக் கொடுத்தான்.

முறையான பயிற்சி ஏதும் இன்னும் கொடுக்கவில்லை. பார்த்து வரைதல் என்ற அளவில் தான் இருக்கிறான் என்ற போதும் என்னை அடையாளப்படுத்தும் அளவுக்கு வந்திருக்கிறது என்றே தோன்றுகிறது. தோழனாய் அவன் தந்த பரிசுக்கு ஒரு உச்சிமுகர்தலைக் கொடுத்தேன்.