மக்கள் மனசு - 2

தமிழகத்திலேயே சரியாக கால் பதிக்க முடியாத தேமுதிக டெல்லி சட்டசபை தேர்தலில்போட்டியிடுவது குறித்து.......

தேமுதிக-வின் ஆசை யானை தன் தலையில் மண் அள்ளிப் போட்டுக் கொள்வதற்கு ஒப்பான செயல்.

நன்றி : பாக்யா வார இதழ்

மெளனப் பரிமாற்றம்

வர்ணங்களைப் பார்க்கும்பொழுதெல்லாம்

அகம் புரளும் உன் உணர்வுகளை

நீ பகிர்ந்து கொண்ட

சந்தோச தினமொன்றில்

ஏழு வர்ண உள்ளாடைகளை

பரிசு பொதியாக்கி

உன் கைக்குள் திணித்தேன்.

நனைந்த பின் அவிழ்த்தெறியும் ஆடை

ஏழு வர்ணத்தில் எதற்கென?

செல்லச் சிணுங்கலோடு வாங்கிக் கொண்டாய்

பின்னொரு நாளில்

நீயும்,நானும் வார்த்தைகளற்றவர்களான போது மீளவும்

உன்னைப் பரிமாற தொடங்கியிருந்தாய் எனக்கு

அசைந்தவாறே காற்றில் வர்ணமற்று

உலர்ந்து கொண்டிருக்கும்
உனது உள்ளாடை வாயிலாக.

நதி புராணம்!

நன்றி : கல்கி

ரெளத்ரம் பழகு

வேலை உத்திரவாத முத்திரை பெற

ரெளத்திரம் பழகு என்றார் 

பக்கத்து சீட்டு பத்து வருட சீனியர்

வேலை பழகலாம்……
அது என்ன ரெளத்திரம்? என்றேன்

"சுவாசமுள்ள கோமாவில் இரு" என்றார்
சுருக்கமாக

அவர் ரெளத்திரமாக பழகி இருந்தது
எனக்கு தரித்திரமாக தெரிந்தது

பட்டென விட்டொழித்தேன்
சேர்ந்த வேலையோடு
காக்கா பிடிக்க பழக்கப்படுவதையும்.