அதிசயமே அதிசயமே

சுட்டி விகடன் 15 ம் ஆண்டு சிறப்பிதழில் வெளிவந்த கட்டுரை

சூல் பிடிக்கும் சர்ப்பம்

அடங்கி இருப்பதால்

ஒடுக்கி விட்டதாய் நினைக்கிறாய்

அற்பந்தானே என அசைவுகள் தோறும்

சர்ப்பமாய் தீண்டி திரிகிறாய்.
சர்ப்பத்தின் நச்சு சுருங்கி
தீண்டலின் தீவிரம் தனிகையில்
அற்பமாய் வீழ்ந்த நான்
சர்ப்பமாய் சூல் பிடிக்க கூடும்.
அந்த அந்திப்பொழுதில்
என்னுடனான சயனத்தை தாட்சண்யமின்றி
எட்டா தூரத்தில் வைக்க இன்றே பழகி கொள்

மக்கள் மனசு - 2

தமிழகத்திலேயே சரியாக கால் பதிக்க முடியாத தேமுதிக டெல்லி சட்டசபை தேர்தலில்போட்டியிடுவது குறித்து.......

தேமுதிக-வின் ஆசை யானை தன் தலையில் மண் அள்ளிப் போட்டுக் கொள்வதற்கு ஒப்பான செயல்.

நன்றி : பாக்யா வார இதழ்

மெளனப் பரிமாற்றம்

வர்ணங்களைப் பார்க்கும்பொழுதெல்லாம்

அகம் புரளும் உன் உணர்வுகளை

நீ பகிர்ந்து கொண்ட

சந்தோச தினமொன்றில்

ஏழு வர்ண உள்ளாடைகளை

பரிசு பொதியாக்கி

உன் கைக்குள் திணித்தேன்.

நனைந்த பின் அவிழ்த்தெறியும் ஆடை

ஏழு வர்ணத்தில் எதற்கென?

செல்லச் சிணுங்கலோடு வாங்கிக் கொண்டாய்

பின்னொரு நாளில்

நீயும்,நானும் வார்த்தைகளற்றவர்களான போது மீளவும்

உன்னைப் பரிமாற தொடங்கியிருந்தாய் எனக்கு

அசைந்தவாறே காற்றில் வர்ணமற்று

உலர்ந்து கொண்டிருக்கும்
உனது உள்ளாடை வாயிலாக.