Saturday, 23 August 2014

புதியன கற்றல் நிகழும் விதம்!

அக்கா இலக்கியாவுடன் அபி
மகனிடம் அவனின் மிஸ் இந்த புத்தகத்தை மாடிக்கு போய் சிக்ஸ்த் கிளாஸ் மிஸ்ஸிடம் கொடுத்து விட்டு வா என்று சொல்லி இருக்கிறார்கள். மாடிக்கு போனவனுக்கு சிக்ஸ்த் கிளாஸ் எங்கிருக்கு? என தெரியவில்லை. கதவில் பார்த்தால் 6 என எந்த எண்ணும் எழுதவில்லை. யோசித்தவன் நேராக மூன்றாவது படிக்கும் தன் அக்காவின் வகுப்புக்குச் சென்றவுடன் தம்பியை பார்த்ததும் வகுப்பு ஆசிரியையிடம் அனுமதி கேட்டு வெளியில் வந்த அக்காவிடம் விபரம் கூறி இருக்கிறான். அவள் அவனை மாடிக்கு அழைத்துக்கொண்டு போய் “VI” என குறிக்கப்பட்டிருந்த வகுப்பைக் காட்டி இது தான் சிக்ஸ்த் கிளாஸ் என சொல்லி இருக்கிறாள். கூடவே அடுத்தடுத்த வகுப்புகளுக்கு அழைத்து போய் ”V”  க்கு பக்கத்தில் இரண்டு கோடு போட்டிருந்தால் அது செவன்த் என்றும். மூன்று கோடு போட்டிருந்தால் அது எயித் என்றும் சொல்லி கொடுத்து விட்டு அவனை அனுப்பி வைத்து விட்டாள்வீட்டிற்கு வந்தவன் "V" ன்னு போட்டு அதுக்கு பக்கத்தில் "I" ன்னு போட்டு எழுதினா அது நம்பராம்மா? என அவன் அம்மாவிடம் கேட்க அவள் ரோமன் லட்டர்ஸ் பத்தி சொல்லிக் கொடுத்திருக்கிறாள். அதன் விளைவு வரிசை இலக்கங்களை தனியாகக் காட்ட ரோமன் லட்டர்ஸை பயன் படுத்த தொடங்கி இருக்கிறான். பெரியவர்கள் கேட்ட கேள்விக்கு மட்டும் பதில் சொல்லி முடித்து விடுவார்கள். சமயங்களில் அந்த பதிலைக் கூட முறையாகச் சொல்வதில்லை. ஆனால், குழந்தைகள் ஒரு கேள்விக்கு சொல்லும் பதில் வழி அடுத்தடுத்த திறப்புகளையும் செய்கிறார்கள். அதனாலயே புதியன கற்றல் என்பது அவர்களுக்குள் இயல்பாகவே நிகழ்கிறது.

Tuesday, 19 August 2014

துன்பத்திற்கு காரணம் ஆசையா?!


காதுக்கு மாட்டும் வளையம் தொடங்கி தோளில் மாட்டிக் கொண்டு பள்ளிக்கூடம் போகும் பேக் வரை தனக்கு வாங்கித் தர வேண்டிய பொருட்களையும், அவைகள் சார்ந்து அவள் கொண்டிருந்த விருப்பங்கள் பற்றியும் சொல்லிக் கொண்டிருந்த மகளிடம் சில நெறிபடுத்தல்களை சொன்ன பின் மேதாவித்தனமாய் என்னை நினைத்துக் கொண்டு, நீ இதையெல்லாம் விரும்புவதற்கு ஆசை தான் காரணம்! அதுனாலதான் ஆசையே துன்பத்திற்கு காரணம்னு புத்தர் சொல்லி இருக்காருன்னு சொன்னேன். உடனே அவள் நான் நல்லா படிக்கனும். அப்படி வரனும்…….இப்படி இருக்கனும்னு நீங்க ஆசைபடுறதா எப்பவும் சொல்றீங்களே……அது உங்களுக்கு துன்பமா? என்றாள். எனக்கு வந்த சோதனையான்னு நினைச்சுக்கிட்டு அது வேற, இது வேற என்றேன். அதெப்படி எனக்குனா துன்பத்துக்கு ஆசை காரணமாகும். உங்களுக்குனா ஆகாம போகும் டாடி? என்றாள். இப்ப புத்தர் சொன்ன போதனையை விட என்னிடம் நீ கேட்ட இந்த கேள்வி தான் பெரிய துன்(ம்)பமா இருக்குன்னு நினைச்சுக்கிட்டு சரிம்மா………..நளைக்கு பேசலாம் என்றேன். வாயை கொடுத்து புண்ணாக்கி கொள்றதுன்னு படிச்சது பளிச்சுனு நினைவுக்கு வந்து போனது

Sunday, 17 August 2014

என் கேள்வியும், சாருவின் பதிலும்

அந்திமழை.காம் இதழில் வெளிவந்த அறம் பொருள் இன்பம் என்ற பகுதியில் வெளியான என் கேள்வியும், சாருவின் பதிலும்
----------------------------------------------------------------
சாரு நிவேதிதா

காமத்தால் மேவிய வழி நிகழ்வைச் சொல்லுதல்,  புனைவின் வழி நிகழ்வைச் சொல்லுதல், நிகழ்வை அப்படியே தேர்ந்த வார்த்தைகளில் சொல்லுதல், எந்தப் புனைவும் தேர்ந்தெடுத்தலுமின்றி அப்படியே நிகழ்வை அதன் போக்கில் பாசாங்கில்லாமல் சொல்லுதல் -  இதில் இலக்கியம் என்பதற்கான வரையறை என்ன? காரணம், இவைகள் அனைத்தும் இலக்கியத்தின் கீழ் தான் வகைபடுத்தப்பட்டு வருகின்றன. புதிதாய் இலக்கிய வாசிப்புத் தளத்திற்குள் நுழையும் என் போன்ற முதல் தலைமுறை வாசகனாய் முன்னோக்கி வருபவர்கள்  எதை அதற்கான வரையறையாக எடுத்துக் கொள்ள வேண்டும்?

மு.கோபி சரபோஜி / இராமநாதபுரம்

பதில்: கோபி, நீங்கள் வாசகன் என்று சொன்னாலும் எழுத்தாளராகத்தான் இருப்பீர்கள் என்று யூகிக்கிறேன்இலக்கியத்துக்கு வரையறை என்று எதுவும் கிடையாதுஎப்படி வேண்டுமானாலும் இருக்கலாம்ஏனென்றால், உத்திகள் ஒரு இலக்கியப் படைப்புக்கு மேலும் கொஞ்சம் மெருகூட்டலாமே தவிர அதுவே இலக்கியமாகி விடாதுஎப்படி ஒருவர் பயிற்சி வகுப்புகளின் மூலம் ஞானியாகி விட முடியாதோ அப்படியே உத்திகளை வெற்றி கொள்வதன் மூலம் ஒருவர் இலக்கியவாதி ஆகி விட முடியாது

என்னைப் பொறுத்தவரை, ஒரு எழுத்தாளன் என்பவன் ஞானிக்கு சமமானவன்அவன் பெற்ற ஞானமே எழுத்தாகப் பிரவாகம் கொள்கிறதுஆன்மாவின் ஒளி கண்கள் என்பார்கள்அதேபோல் சமூகத்தின் ஒளி, எழுத்தாளன்எனவே ஒருவன் எழுத்தாளனாக வேண்டுமெனில் அவன் ஆன்மா சுத்தமாக இருக்க வேண்டும்ஆன்ம சுத்திக்கு என்ன செய்வதுவாடிய பயிரைக் கண்ட போதெல்லாம் வாடும் மனம் இருந்தால் அங்கே ஆன்மா சுடர் விட்டு ஒளிரும்.

அவந்திகா காலை எட்டு மணிக்குள் கோலம் போட்டு விடுவாள்மாக்கோலம்ஒருநாள் ஏதோ காரணத்தால் எட்டு மணிக்கு மேல் ஆகி விட்டதுநான் அன்றைய தினம் நடைப் பயிற்சிக்குப் போகாமல் அவசரமாக ஏதோ எழுதிக் கொண்டிருந்தேன்தோட்டத்துச் செடி கொடிகளுக்குத் தண்ணீர் விட்டுக் கொண்டிருந்தாள் அவந்திகாஅப்போது மரங்களிலிருந்து ஏகப்பட்ட அணில்களின் கிறீச் கிறீச் சத்தம் விடாமல் கேட்டது.   ஆச்சரியத்துடன் என் அறையை விட்டு வெளியே வந்தேன்.  “, குழந்தைகளுக்குப் பசிக்கிறதுஎன்று முனகிக் கொண்டே தண்ணீர்க் குழாயை அப்படியே தரையில் போட்டு விட்டு வெளியே கோலம் போடச் சென்றாள்அணில்களின் சத்தம் நின்ற பாடில்லைஅவ்வளவு கூச்சலில் எழுத முடியாமல் நான் வெளியிலேயே நின்றிருந்தேன்அவந்திகா கோலம் போட்டு முடித்ததும் பத்துப் பதினைந்து அணில்கள் வேக வேகமாய் ஓடி வந்து அவள் போட்டிருந்த அந்த அழகிய கோலத்தின் மாவைத் தின்ன ஆரம்பித்தனவீட்டின் இன்னொரு வாசல் கோலத்தைக் காகங்கள் தின்று கொண்டிருந்தன.   

இலக்கியத்தின் அடிப்படை ஒன்றே ஒன்றுதான்அன்புஅந்த அன்பை எழுத்தில் கொண்டு வர எந்த உத்தியும் தேவையில்லைமனதில் ஈரம் வேண்டும்அவ்வளவே.

நன்றி : அந்திமழை.காம்