துளிப்பாக்கள்

வனப்பில் நின்று

வறுமையைக் காட்டுகின்றன 

அலமாரி அங்கீகாரங்கள்

நன்றி : சஞ்சிகை

துளிப்பாக்கள்

நன்றி : மகாகவி

துளிப்பாக்கள்

கர்ப்பகிரகத்திற்குள் இருப்பவனும் சாமி
கற்பூரம் காட்டுபவனும் சாமி
முட்டாளாய் பக்தன்!

•  

யாருக்கு முதல் பரிவட்டம்
முட்டிக்கொண்ட பங்காளிகள்
இரசித்தபடி கடவுள்.

• 
  

தீயில் குளித்தாள்
தீயால் குளிக்க வைத்தாள்
கணவனின் கறை போக்க.

• 
  

நன்றி : தீக்கதிர் - வண்ணக்கதிர்

துளிப்பாக்கள்

நன்றி : வளரி

துளிப்பாக்கள்

ஆயிரம் ஏக்கர் மடத்தில்

பகட்டாய் தொடங்கியது

“பற்றற்று இரு” வகுப்பு.

-------------------------------------------

வாங்கியவனும்

கொடுத்தவனும் காத்திருக்கிறார்கள்

சம்பள தேதி.

-----------------------------------------

நன்றி : காற்றுவெளி 

துளிப்பாக்கள்

காளைகளுமில்லை

கழனிப்பானையுமில்லை

கதிர் அறுக்கும் கருவி.

--------------------------------------------

வார்த்தையற்ற மொழியில்

தோற்றுப்போனது வயது.

தாத்தாவும்,பேரனும்!

-------------------------------------

சலனப்படுத்தாமல்

கடந்து போங்கள்

படுக்கையறை.

-------------------------------------

எழுவதற்காக விழு

நித்தமும் தன்னம்பிக்கை.

சூரியன்

----------------------------------

நன்றி : சஞ்சிகை

துளிப்பாக்கள்

அவதார நம்பிக்கைகளில்

ஆணியடிக்கப்பட்ட மக்கள்

ஆசிரமத்தில் சாமி!

-------------------------------------------

கவலையில் கிடந்தான்

ஆபரணங்களில் மொய் வாங்கியவன்

பணமதிப்பு வீழ்ச்சி

-------------------------------------------

கொதித்தெழுந்தான் கடவுள்

சரிந்து விழுந்தன கலசங்கள்

குவியும் கோரிக்கைகள்

--------------------------------------------

நன்றி : முத்துக்கமலம்