விமர்சனங்களை உங்களுக்கானதாக்குங்கள்!

ஒரு செயலைத் தொடங்குவதற்கு முன் அதனைச் செய்வதற்கான வழிமுறைகளுக்காகத் தரப்படுபவைகள் ஆலோசனைகளும், அறிவுரைகளும். அந்தச் செயலைச் செய்து முடித்த பின் தரப்படுபவைகள் விமர்சனங்கள். இவைகளைச் சரியாகப் புரிந்து கொள்ளாமல் ஒன்றையொன்று குழப்பிக் கொள்கிறோம்.

விமர்சனங்களுக்கு உள்ளாகி விடுவோமோ? என்ற பயத்தில் நம்மை நோக்கி வரும் நல்ல வாய்ப்புகளைக் கூட விட்டு விடுகிறோம். வசதியானவர்களுக்கும், சாதனையாளர்களுக்கும், வெற்றியாளர்களுக்கும் மட்டுமே வாய்ப்புகள் அமைவதாகப் புலம்பிக் கொண்டிருக்கிறோம். உண்மை அதுவல்ல! வாய்ப்புகள் எல்லோருடைய வாழ்க்கையிலும் பலமுறை வந்து செல்கின்றன. வாசல் கதவைத் தட்டிப் போகின்றன. ஆனால், அதன் பொருட்டு வரும், வரப்போகும் விமர்சனங்களுக்குப் பயந்து அவைகளை ஏற்காமல் நின்று விடுகிறோம். இதனால் தான் ”வாழ்க்கையே ஒரு வாய்ப்பு” என்றார் டாக்டர் எம்.எஸ். உதயமூர்த்தி.

”மின்னூல்” எனும் கனவு!

இரண்டு வருடங்களுக்கு முன்பு சிங்கப்பூரில் வேலை செய்து கொண்டிருந்த போது மலைகள் இதழின் ஆசிரியரும், நண்பருமான சிபிச்செல்வன் ”கிண்டில்” பற்றிக் கேட்ட போது அப்படின்னா என்ன? எனக் கேட்டேன். புத்தகங்களை எப்படி படிக்கிறீங்க? என அடுத்த கேள்வியை வீசினார். சம்பந்தமில்லாத கேள்வியா கேட்கிறாரே என நினைத்துக் கொண்டு நூலகத்தில் இருந்து எடுத்து வந்து வாசிக்கிறேன் என்றேன். அந்த பதிலில் என் நவீனத்தின் ஞானத்தை அவர் கண்டுபிடித்திருப்பார் என்றே நினைக்கிறேன். “கிண்டில்” பற்றியும், அதன் பயன்பாடு பற்றியும் சொன்னார். சிங்கப்பூரில் இருந்து கொண்டு இத்தனை ஞானசூன்யமா இருந்திருக்கோமேடா!  என நினைத்துக் கொண்டு இணையத்தில் அறிந்து கொள்ள முனைந்ததில் மின்னூலின் அவசியம் குறித்து எழுதப்பட்ட சில கட்டுரைகளையும் வாசிக்க நேர்ந்தது. அதன் பிறகு மின்னூல் சார்ந்து இருந்து வந்த பிரமிப்பு விலக ஆரம்பித்தது.

சொந்தமாகச் சிந்திக்கலாம்!

”முன்னேற்றத்திற்காகவே பூமியில் பிறந்துள்ளோம். ஒவ்வொரு நிமிடமும் நாம் முன்னேறவில்லையானால் வாழ்க்கை சுவையற்று சலிப்புத் தட்டி விடும்” என்கிறார் அன்னை. சுவையான முன்னேற்றத்திற்கு சிந்தனை அவசியம். சிந்தனை மட்டுமே இது தான் முடிவு என்று முடிவாகச் சொல்லப்பட்ட விசயங்களை உடைத்தெறிந்து மேலும் முன்னேற வைக்கிறது. புவிஈர்ப்பு விசை இருப்பதால் மேல் செல்லும் எந்தப் பொருளும் பூமியை நோக்கி வரும் என்ற நியூட்டனின் விதி குறித்து அறிவியலாளர்கள் சிந்திக்கத் தொடங்கினர். விளைவு, சந்திர மண்டலத்துக்கு இராக்கெட்டுகளை ஏவினர். தொலைநோக்குக் கருவிகளை வானில் உள்ள பாறைகள் மீது நிறுத்தி வைத்தனர். “வெற்றி பெறச் சிந்தியுங்கள்” நூலின் ஆசிரியர் ஸ்டேபிள் தன்னுடைய நூலில், ”வாழ்க்கையில் ஆக்கப்பூர்வமான மாற்றத்தைக் கண்டுபிடிக்க ஐந்தாண்டுகள் முயற்சி செய்ததாக கூறுகிறார். அந்த முயற்சியில் ஆக்கப்பூர்வமான மாற்றம் தன்னுடைய சிந்தனையும், நம்பிக்கையும் தான்” எனக் கண்டறிந்ததாகக் கூறுகிறார்.

தேவதைகளின் அட்டகாசம் - 15

 

இன்னைக்கு ஹோம் ஒர்க் என்னடா?

ஸ்கூல் பெயரை இங்கிலீஷ்ல மனப்பாடம் செஞ்சுட்டு வரனுமாம்.

டேய்.....நாலாவது படிக்கிற. இது வரைக்கும் ஸ்கூல் பெயருக்கு ஸ்பெல்லிங் தெரியாமையா இருந்த?

எனக்கு மட்டுமில்ல டாடி. எங்க கிளாசுல யாருக்குமே தெரியல. 

ஸ்கூல் பெயருக்கு ஸ்பெல்லிங் தெரியாத உனக்கு இத்தனை வருசமா பணம் கட்டி வேஸ்டாக்கியாச்சு.

அதெல்லாம் இல்ல. இன்னைக்கு ஸ்பெல்லிங் மனப்பாடம் செஞ்சு ஒப்பிச்சிட்டேன். வேனும்னா நீங்களும் நான் சொல்றதை ஒருதடவை கேட்டுக்கிறீங்களா!